ആദ്യ വിദേശ സൈനിങ്‌ സ്ഥിതീകരിച്ച് കേരളാ ബ്ലാസ്റ്റേഴ്സ്!
ഹീറോ ഇന്ത്യന്‍ സൂപ്പര്‍ ലീഗ് ഒൻപതാം സീസണിന് മുന്നോടിയായി ഗ്രീക്ക്-ഓസ്‌ട്രേലിയന്‍ ഇന്റര്‍നാഷണല്‍ സ്ട്രൈക്കറായ അപ്പോസ്‌തൊലോസ് ജിയാനുവിനെ ടീമിലെത്തിച്ച വിവരം ഔദ്യോഗീകമായി സ്ഥിതീകരിച്ച് കേരള ബ്ലാസ്റ്റേഴ്സ് എഫ്‌സി. എ ലീഗ് ക്ലബ്ബായ മക്കാര്‍ത്തര്‍ എഫ്‌സിയില്‍ നിന്നാണ് താരം കേരള ബ്ലാസ്റ്റേഴ്‌സിലെത്തുന്നത്. 2023 വരെയാണ് താരവുമായുള്ള കരാർ. സമ്മര്‍ സീസണില്‍ കെബിഎഫ്‌സിയുടെ ആദ്യ വിദേശ സൈനിങാണ് അപ്പോസ്‌തൊലോസ് ജിയാനു.
ഹീറോ ഇന്ത്യന്‍ സൂപ്പര്‍ ലീഗ് ഒൻപതാം സീസണിന് മുന്നോടിയായി ഗ്രീക്ക്-ഓസ്‌ട്രേലിയന്‍ ഇന്റര്‍നാഷണല്‍ സ്ട്രൈക്കറായ അപ്പോസ്‌തൊലോസ് ജിയാനുവിനെ ടീമിലെത്തിച്ച വിവരം ഔദ്യോഗീകമായി സ്ഥിതീകരിച്ച് കേരള ബ്ലാസ്റ്റേഴ്സ് എഫ്‌സി. എ ലീഗ് ക്ലബ്ബായ മക്കാര്‍ത്തര്‍ എഫ്‌സിയില്‍ നിന്നാണ് താരം കേരള ബ്ലാസ്റ്റേഴ്‌സിലെത്തുന്നത്. 2023 വരെയാണ് താരവുമായുള്ള കരാർ. സമ്മര്‍ സീസണില്‍ കെബിഎഫ്‌സിയുടെ ആദ്യ വിദേശ സൈനിങാണ് അപ്പോസ്‌തൊലോസ് ജിയാനു.
ഗ്രീസിൽ ജനിച്ച ജിയോനുവിന്റെ കുടുംബം താരത്തിന്റെ ചെറുപ്രായത്തിൽ തന്നെ ഓസ്‌ട്രേലിയയിലേക്ക് കുടിയേറി. പ്രൊഫഷണല്‍ അരങ്ങേറ്റത്തിന് മുമ്പ് വിക്ടോറിയന്‍ ഇന്‍സ്റ്റിറ്റിയൂട്ട് ഓഫ് സ്‌പോര്‍ട്ട്, സൗത്ത് മെല്‍ബണ്‍ എന്നിവയുടെ യൂത്ത് ടീമുകള്‍ക്ക് വേണ്ടി കളിച്ച താരം പിന്നീട് ഓക്ലെയ് കാനന്‍സിന്റെ ഭാഗമായി. കവാല, പിഎഒകെ, എത്‌നിക്കോസ്, പാനിയോനിയോസ്, ആസ്റ്റെറിസ് ട്രിപ്പോളി തുടങ്ങിയ നിരവധി ഗ്രീക്ക് ഫസ്റ്റ് ഡിവിഷന്‍ ടീമുകള്‍ക്കൊപ്പം 150ലധികം മത്സരങ്ങള്‍ കളിച്ച താരം 38 ഗോളുകളും 15 അസിസ്റ്റുകളും സ്വന്തമാക്കിയിട്ടുണ്ട്. 2016ല്‍, ചൈനീസ് ക്ലബ്ബായ ഗ്വാങ്‌ഷോ സിറ്റി എഫ്‌സിയില്‍ ചേര്‍ന്ന താരം രണ്ടു സീസണുകള്‍ക്ക് ശേഷം സൈപ്രസ് ടീമായ എഇകെ ലാര്‍നാക്കയില്‍ ചേർന്ന്. പിന്നീട് ഗ്രീസിലെ ഒഎഫ്‌ഐ ക്രീറ്റ് എഫ്‌സിയിലേക്കും ചേർന്നു. ബ്ലാസ്‌റ്റേഴ്‌സുമായി കരാര്‍ ഒപ്പിടും മുമ്പ് എ ലീഗ് ടീമായ മക്കാര്‍ത്തര്‍ എഫ്‌സിയുടെ ഭാഗമായിരുന്ന താരം ക്ലബ്ബിനായി 21 മത്സരങ്ങളില്‍ നിന്ന് മൂന്ന് ഗോളുകൾ നേടിയിരുന്നു. ഓസ്‌ട്രേലിയക്കു വേണ്ടി യുവ തലങ്ങളിൽ കളിച്ചിട്ടുള്ള താരം 12 മത്സരങ്ങളില്‍ ഓസ്‌ട്രേലിയന്‍ സീനിയര്‍ ദേശീയ ടീമിനായും കളത്തിലിറങ്ങി. രണ്ടു ഗോളുകളും നാല് അസിസ്റ്റുകളുമാണ് ഓസ്‌ട്രേലിയൻ ദേശിയ ടീമിന് വേണ്ടി താരം നേടിയിട്ടുള്ളത്. ഗ്രീക്ക് ദേശീയ ടീമിനായും ഒരു മത്സരം താരം കളിച്ചിട്ടുണ്ട്.
അപ്പോസ്‌തൊലോസുമായി കരാർ ഒപ്പിട്ടതിൽ സന്തോഷമുണ്ടെന്ന് കേരള ബ്ലാസ്റ്റേഴ്സ് സ്‌പോര്‍ട്ടിങ് ഡയറക്ടര്‍ കരോലിസ് സ്‌കിന്‍കിസ് പറഞ്ഞു. "കഴിഞ്ഞ രണ്ട് വര്‍ഷമായി ഞങ്ങളുടെ ലക്ഷ്യമായിരുന്നു അദ്ദേഹം. ഞങ്ങളുടെ കളി ശൈലിക്ക് യോജിച്ച കഠിനാധ്വാനിയായ അറ്റാക്കറുമാണ് അദ്ദേഹം. ടീമിന് വേണ്ടി അൽമാർത്ഥമായി കളിക്കുന്ന താരമെന്ന നിലയിലും എനിക്ക് അദ്ദേഹത്തെ ഇഷ്ടമാണ്. ജിയാനുവിന് കേരളത്തില്‍ ഏറ്റവും നല്ല സമയം ആശംസിക്കുന്നു." കരോലിസ് പറഞ്ഞു.
"ഇന്ത്യയിലെ തന്നെ ഏറ്റവും മികച്ച ക്ലബ്ബുകളിലൊന്നായ കേരള ബ്ലാസ്റ്റേഴ്സ് എഫ്‌സിയില്‍ ചേരുന്നതില്‍ അത്യന്തം സന്തോഷമുണ്ട്. ക്ലബിനായി എന്റെ പരമാവധി ഞാന്‍ നല്‍കും." ജിയോനു പറഞ്ഞു.
വരും സീസണിൽ ജിയാനുവിന്റെ സാന്നിധ്യം ബ്ലാസ്‌റ്റേഴ്‌സിന്റെ ആക്രമണ നിരക്ക് കൂടുതല്‍ കരുത്ത് പകരും.
