ഇന്ത്യൻ സൂപ്പർ ലീഗ് ഒൻപതാം സീസൺ പ്ലേ ഓഫിലെ നോക്ഔട് ഘട്ടത്തിലെ ആദ്യ മത്സരത്തിനൊരുങ്ങുകയാണ് കേരളാ ബ്ലാസ്റ്റേഴ്‌സ്. ലീഗ് ഘട്ട റാങ്കിങ്ങിൽ അഞ്ചാം സ്ഥാനത്തെത്തി തുടർച്ചയായ രണ്ടാം സീസണിലും പ്ലേ ഓഫിൽ ഇടം നേടിയ കേരളാ ബ്ലാസ്റ്റേഴ്‌സ് നോക്ഔട് ഘട്ടത്തിൽ ബെംഗളൂരു എഫ്‌സിയായാകും നേരിടുക. ശ്രീ കണ്ഠീരവ സ്റ്റേഡിയത്തിൽ മാർച്ച് മൂന്നിന് വെള്ളിയാഴ്ച വൈകിട്ട് ഏഴരക്കാണ് മത്സരം. മത്സരവിജയികൾ പ്ലേഓഫിൽ മുംബൈ സിറ്റി എഫ്‌സിയെ നേരിടും.

ഹീറോ ഇന്ത്യൻ സൂപ്പർ ലീഗ് കിരീടം ഒരിക്കലും നേടാനായിട്ടില്ലെങ്കിലും പല തവണ ആ കിരീടത്തിനടുത്തെത്തിയിട്ടുണ്ട് കേരളാ ബ്ലാസ്റ്റേഴ്‌സ് എഫ്‌സി. 2014, 2016, 2021-22 സീസണുകളിൽ ഫൈനലിൽ കിരീടം നഷ്ടപ്പെട്ട ടീം മൂന്ന് തവണ റണ്ണേഴ്‌സ് അപ്പായി സീസൺ അവസാനിപ്പിച്ചിട്ടുണ്ട്. അതിൽ രണ്ടു വട്ടവും പെനാലിറ്റി ഷൂട്ട്ഔട്ടിലാണ് കിരീടം നഷ്ടപ്പെട്ടുവെന്നതാണ് നിരാശാജനകമായ വസ്തുത. ഈ സീസണിലും പ്ലേ ഓഫിൽ പ്രവേശിച്ച കേരളാ ബ്ലാസ്റ്റേഴ്സിന് കിരീടം സ്വന്തമാക്കാൻ മൂന്നു ടീമുകളെക്കൂടിയാണ് നേരിടേണ്ടത്. കേരള ബ്ലാസ്റ്റേഴ്‌സ് എഫ്‌സി ലീഗ് ഘട്ടത്തിലെ അവസാന ഏഴു മത്സരങ്ങളിൽ അഞ്ച് മത്സരങ്ങൾ തോൽക്കുകയും രണ്ടു മത്സരങ്ങൾ ജയിക്കുകയും ചെയ്തു.

മത്സരത്തിൽ കേരള ബ്ലാസ്റ്റേഴ്‌സ് എഫ്‌സിയെ തോൽപ്പിച്ച് തങ്ങളുടെ അസാധാരണ വിജയ കുതിപ്പ് തുടരാനാണ് ബെംഗളൂരു എഫ്‌സി ലക്ഷ്യമിടുന്നത്. എട്ട് മത്സരങ്ങളിൽ വിജയിച്ച് മുന്നേറുന്ന ക്ലബ്ബിനെ തടയുന്നത് എളുപ്പമാകാൻ വഴിയില്ല. ഹോം ഗ്രൗണ്ടിൽ കളിക്കുന്നുവെന്ന അനുകൂലസാഹചര്യവും ബെംഗളൂരു എഫ്‌സിക്ക് മുന്നിലുണ്ട്. മറുവശത്ത് മൂന്നുവട്ടം കൈവിട്ടുപോയ ഐഎസ്‌എൽ കിരീടം നേടാനുള്ള കേരള ബ്ലാസ്റ്റേഴ്‌സ് എഫ്‌സിയുടെ ലക്ഷ്യം സാധ്യമാക്കാനുള്ള ആദ്യ പടിയാണ്‌ ഈ മത്സര വിജയം. ഈ ഘട്ടം വിജയകരമായി കടന്ന് മുംബൈ സിറ്റിയെ മറികടക്കാനായാൽ ബ്ലാസ്റ്റേഴ്സിന് ഫൈനലിൽ പ്രവേശിക്കാനാകും.

ടീം വാർത്തകൾ

ബെംഗളുരുവിന് വേണ്ടി, അലൻ കോസ്റ്റ ടീമിൽ മടങ്ങിയെത്തും. കേരളാ ബ്ലാസ്റ്റേഴ്സിൽ സസ്‌പെൻഷനിലായതിനാൽ ഇവാൻ കലുഷ്‌നി ലഭ്യമായിരിക്കില്ല. സന്ദീപ് ശസ്ത്രക്രിയക്കു ശേഷം സുഖം പ്രാപിച്ചുവരികയാണ്.

ഹെഡ് റ്റു ഹെഡ്

കളിച്ച ആകെ മത്സരങ്ങൾ - 12

ബെംഗളൂരു എഫ്‌സി വിജയിച്ച മത്സരങ്ങൾ - 7

കേരള ബ്ലാസ്റ്റേഴ്‌സ് എഫ്‌സി വിജയിച്ച മത്സരങ്ങൾ – 3

സമനില - 2

റെക്കോർഡുകളും സ്ഥിതിവിവരക്കണക്കുകളും

• കേരള ബ്ലാസ്റ്റേഴ്‌സ് എഫ്‌സി അവരുടെ ഹീറോ ഐഎസ്‌എൽ ചരിത്രത്തിൽ ആദ്യമായി തുടർച്ചയായി രണ്ട് സീസണുകളിൽ പ്ലേ ഓഫിലേക്ക് യോഗ്യത നേടി.
• ഹീറോ ഐ‌എസ്‌എൽ സീസണിൽ അവർ നേടിയ ഏറ്റവും കൂടുതൽ മത്സരങ്ങൾ ഹോം ഗ്രൗണ്ടിൽ അവർ നേടിയിട്ടുണ്ട്.
• ഒരു ഹീറോ ഐഎസ്എൽ സീസണിൽ കെബിഎഫ്‌സി 10 മത്സരങ്ങൾ ജയിക്കുന്നത് ഇത് രണ്ടാം തവണയാണ്. ഈ സീസണിൽ 10 മത്സരങ്ങളും അവർ വിജയിച്ചു.
• ഹീറോ ഇന്ത്യൻ സൂപ്പർ ലീഗിൽ (10 G + 13 A) പത്തോ അതിലധികമോ ഗോളുകളും അസിസ്റ്റുകളും നേടിയ ഏക കേരളാ ബ്ലാസ്റ്റേഴ്‌സ് കളിക്കാരനായി അഡ്രിയാൻ ലൂണ മാറി.

സാധ്യതാ ആരംഭനിര

ബെംഗളൂരു എഫ്‌സി (3-5-2)

ഗുർപ്രീത് സന്ധു (ജികെ), സന്ദേശ് ജിംഗൻ, അലക്‌സാണ്ടർ ജോവനോവിച്ച്, റോഷൻ നൗറെം, പ്രബീർ ദാസ്, രോഹിത് കുമാർ, സുരേഷ് വാങ്ജാം, ജാവി ഹെർണാണ്ടസ്, സുനിൽ ഛേത്രി (സി), റോയ് കൃഷ്ണ, ശിവ നാരായണൻ.

കേരള ബ്ലാസ്റ്റേഴ്‌സ് എഫ്‌സി (4-2-3-1)

പ്രഭ്സുഖൻ സിംഗ് ഗിൽ (ജികെ), നിഷു കുമാർ, ഹോർമിപാം റൂയിവ, മാർക്കോ ലെസ്‌കോവിച്ച്, ജെസൽ കാർനെറോ (സി), രാഹുൽ കെപി, ജീക്‌സൺ സിംഗ്, അഡ്രിയാൻ ലൂണ, സഹൽ അബ്ദുൾ സമദ്, ദിമിട്രിയോസ് ഡയമന്റകോസ്, അപ്പോസ്‌തോലോസ് ജിയാനോ

മറ്റു മത്സരവിവരങ്ങൾ

തീയതി: വെള്ളി, മാർച്ച് 3, 2023

കിക്ക് ഓഫ് സമയം: 7:30 PM IST

തത്സമയ ചാനൽ: സ്റ്റാർ സ്‌പോർട്‌സ് 1, സ്റ്റാർ സ്‌പോർട്‌സ് 1, സ്റ്റാർ സ്‌പോർട്‌സ് 3

തത്സമയ സ്‌ട്രീമിംഗ്: ഡിസ്നി+ ഹോട്ട്‌സ്റ്റാർ ജിയോ ടിവി