2023 ഒക്ടോബറിലെ ഇന്ത്യൻ സൂപ്പർ ലീഗ് (ഐ‌എസ്‌എൽ) പ്ലെയർ ഓഫ് ദി മന്ത് അവാർഡ് നേടി കേരള ബ്ലാസ്റ്റേഴ്‌സ് എഫ്‌സി ക്യാപ്റ്റൻ അഡ്രിയാൻ ലൂണ. എല്ലാ മാസവും ഐ‌എസ്‌എല്ലിലെ മികച്ച കളിക്കാരന് നൽകുന്ന അവാർഡാണിത്.

വോട്ടിംഗ് മാനദണ്ഡമനുസരിച്ച് ആരാധകരുടെ വോട്ടുകൾ മൊത്തം വോട്ട് ഷെയറിന്റെ 50% സംഭാവന ചെയ്യുന്നു, ബാക്കി 50% വിദഗ്ധരുടെ വോട്ടുകളിൽ നിന്നാണ്. നവംബർ 22ന് ഉച്ചകഴിഞ്ഞ് 3 മണിക്കും നവംബർ 24ന് 3 മണിക്കും ഇടയിൽ ലഭിച്ച ആരാധകരുടെ വോട്ടുകളുടെ അടിസ്ഥാനത്തിലാണ് ലൂണ അവാർഡ് നേടിയത്. വിദഗ്ധരിൽ നിന്ന് 10 വോട്ടുകളും 80% ആരാധകരുടെ വോട്ടുകളും നേടിയപ്പോൾ അദ്ദേഹത്തിന്റെ മൊത്തം ശതമാനം 90% ആയി.

.@KeralaBlasters' charismatic midfielder #AdrianLuna wins the Player of the month award for October 2023! 🥇

Watch some of his best moments! #ISL #LetsFootball #ISLonJioCinema #ISLonSports18 | @JioCinema @Sports18 pic.twitter.com/bqKnra3wNC

— Indian Super League (@IndSuperLeague) November 25, 2023

സഹതാരം സച്ചിൻ സുരേഷ്, എഫ്‌സി ഗോവയുടെ ജയ് ഗുപ്ത, ജംഷഡ്പൂർ എഫ്‌സിയുടെ രെഹനേഷ് ടിപി എന്നിവരോടുള്ള കടുത്ത മത്സരത്തിനൊടുവിലാണ് 31 കാരനായ മിഡ്‌ഫീൽഡർ അവാർഡ് സ്വന്തമാക്കിയത്.

ഒക്ടോബറിൽ നാല് മത്സരങ്ങളിൽ കളിച്ച കേരള ബ്ലാസ്റ്റേഴ്‌സ് എഫ്‌സി, രണ്ടു വിജയവും ഒരു സമനിലയും ഒരു തോൽവിയും നേടി. ഈ മാസം രണ്ട് ഗോളുകളും ഒരു അസിസ്റ്റും ഉൾപ്പെടുന്ന ലൂണയുടെ അസാധാരണമായ പ്രകടനമാണ് അദ്ദേഹത്തിന് അർഹമായ അംഗീകാരം നേടിക്കൊടുത്തത്.

ഈ സീസണിലെ കേരളാ ബ്ലാസ്റ്റേഴ്സിന്റെ പ്രധാന താരവും ക്യാപ്റ്റനുമായ ലൂണ, ടീമിനായി നിരവധി അവസരങ്ങൾ സൃഷ്‌ടിക്കുകയും മികച്ച പ്രകടനം കഴ്ചവക്കുകയും ചെയ്തു.