വരാനിരിക്കുന്ന 2022-23 സീസണിന് മുന്നോടിയായി സ്‌ട്രൈക്കർ അൽവാരോ വാസ്‌ക്വസുമായുള്ള സൈനിംഗ് പ്രഖ്യാപിച്ച് ഹീറോ ഇന്ത്യൻ സൂപ്പർ ലീഗ് ക്ലബ്ബായ എഫ്‌സി ഗോവ. രണ്ട് വർഷത്തെ കരാറിലാണ് അൽവാരോ ഗോവയിലേക്കെത്തുന്നത്. വെള്ളിയാഴ്ച സോഷ്യൽ മീഡിയയിലൂടെയാണ് ഗോവ പ്രഖ്യാപനം നടത്തിയത്.

Good things take time, Goa say Hola 𝗔𝗟-𝗩𝗔𝗥𝗢 🌪️😍#ForcaGoa #AmcheGaurs #HolaAlvaro @AlvaroVazquez91 pic.twitter.com/VqICEqhYcw

— FC Goa (@FCGoaOfficial) June 24, 2022

31-കാരനായ ബാഴ്‌സലോണ സ്വദേശിയായ അൽവാരോ 2005-ൽ RCD എസ്പാൻയോളിലൂടെയാണ് തന്റെ ഫുട്ബോൾ കരിയർ ആരംഭിക്കുന്നത്. 2009-ൽ സീനിയർ സ്ക്വാഡിൽ അരങ്ങേറ്റം കുറിച്ചു. പിന്നീട് 2012ൽ ഗെറ്റാഫെ സിഎഫിൽ ചേർന്ന അൽവാരോ, 2011 FIFA U-20 ലോകകപ്പിൽ സ്പെയിനിനെ പ്രതിനിധീകരിക്കുകയും അഞ്ച് ഗോളുകളുമായി ടൂർണമെന്റ് പൂർത്തിയാക്കുകയും ചെയ്തു. മൊത്തത്തിൽ 12 പ്രീമിയർ ലീഗ് ഗെയിമുകളിലും 150 ലധികം ലാ ലിഗ ഗെയിമുകളിലും അദ്ദേഹം പങ്കെടുത്തു.

പുതിയ ക്ലബിൽ ചേരുന്നതിൽ അൽവാരോ സന്തോഷം പ്രകടിപ്പിച്ചു, ”എഫ്‌സി ഗോവയിൽ ചേരുന്നതിൽ എനിക്ക് അതിയായ സന്തോഷമുണ്ട്, ക്ലബിന് ആകർഷകമായ പ്രോജക്റ്റും ഞാൻ ഇഷ്ടപ്പെടുന്ന തരത്തിലുള്ള കളി ശൈലിയും ഉണ്ട്. ക്ലബ്ബ് ഭാരവാഹികളോടും എഡുവിനോടും (ബേഡിയ) സംസാരിച്ചപ്പോൾ എനിക്ക് ഇവിടെ എന്റെ ഏറ്റവും മികച്ച പതിപ്പാകാൻ കഴിയുമെന്ന് എനിക്ക് ബോധ്യമായി."

“എന്നെ സംബന്ധിച്ചിടത്തോളം ഇന്ത്യൻ സൂപ്പർ ലീഗിലെ ഏറ്റവും വലിയ ക്ലബ്ബുകളിലൊന്നാണ് ഗോവ. കഴിഞ്ഞ സീസൺ ക്ലബ്ബിനെ സംബന്ധിച്ചിടത്തോളം മികച്ചതായിരുന്നില്ല, എന്നാൽ ഈ വരുന്ന സീസണിൽ ഞങ്ങൾ തീർച്ചയായും ഒന്നാം സ്ഥാനത്തെത്തുമെന്ന് ഞാൻ വിശ്വസിക്കുന്നു. ഫുട്ബോളിനെ സ്നേഹിക്കുന്ന ഗോവയുടെ ആരാധകരെക്കുറിച്ച് ഞാൻ കേട്ടിട്ടുണ്ട്, കണ്ടിട്ടുണ്ട്. എനിക്ക് ഫട്ടോർഡയിൽ കളിക്കണം. ക്ലബ്ബിന്റെ ജേഴ്‌സിയിൽ ആദ്യ ഗെയിം കളിക്കാൻ ഇനിയും എനിക്ക് കാത്തിരിക്കാനാവില്ല," സ്‌ട്രൈക്കർ കൂട്ടിച്ചേർത്തു.

ഹീറോ ഐ‌എസ്‌എൽ 2021–22 സീസണിൽ, ഫൈനലിലേക്ക് മുന്നേറിയെങ്കിലും ഹൈദരാബാദ് എഫ്‌സിയോട് പെനാൽറ്റിയിൽ തോറ്റ ബ്ലാസ്റ്റേഴ്‌സ് തങ്ങളുടെ യാത്രയിൽ ഈ 31 കാരന്റെ ആക്രമണ കഴിവുകളെ വളരെയധികം ആശ്രയിച്ചിരുന്നു. 23 കളികളിൽനിന്നായി എട്ട് തവണ ഗോൾ നേടിയ അൽവാരോ ടീമിന്റെ ലീഡിംഗ് സ്‌കോററായാണ് സീസൺ അവസാനിപ്പിച്ചത്.

എഫ്‌സി ഗോവ ഫുട്‌ബോൾ ഡയറക്ടർ രവി പുഷ്കറും അൽവാരോയുടെ വരവിൽ സന്തോഷം പ്രകടിപ്പിച്ചു. അദ്ദേഹം പ്രസ്താവിച്ചു, “അൽവാരോയുടെ സേവനം ലഭിക്കുന്നതിൽ ഞങ്ങൾ സന്തുഷ്ടരാണ്. ഇന്ത്യൻ ഫുട്ബോളിലേക്ക് എത്തുന്നതിന് വളരെ മുമ്പുതന്നെ ഞങ്ങൾ എപ്പോഴും ശ്രദ്ധിച്ചിരുന്ന ഒരാളാണ് അദ്ദേഹം, കൂടാതെ അദ്ദേഹം ഇതിനകം ഇന്ത്യയുമായി പൊരുത്തപ്പെട്ടിരിക്കുന്നതിനാൽ, അവസരം ലഭിച്ചപ്പോൾ അദ്ദേഹത്തിന്റെ സേവനം ലഭ്യമാക്കാൻ ഞങ്ങൾ വേഗത്തിൽ നീങ്ങി."

"പന്തിലും പുറത്തും അദ്ദേഹത്തിന്റെ നിലവാരം നിഷേധിക്കാനാവാത്തതാണ്, ഇന്ത്യൻ ഫുട്ബോളിന്റെ ആരാധകർക്ക് അദ്ദേഹത്തിന്റെ സാങ്കേതിക വൈദഗ്ധ്യത്തെക്കുറിച്ച് നന്നായി അറിയാം. ടീമിലേക്ക് പരിധികളില്ലാതെ അദ്ദേഹം ഇടംപിടിക്കുമെന്ന് ഞങ്ങൾക്ക് ഉറപ്പുണ്ട്, ഞങ്ങളുടെ ഫുട്ബോൾ ശൈലിയിൽ, അവൻ വിജയിക്കുമെന്നും ഞാൻ വിശ്വസിക്കുന്നു.” അദ്ദേഹം കൂട്ടിച്ചേർത്തു.

എട്ടാം സീസൺ ഇന്ത്യൻ സൂപ്പർ ലീഗിൽ കേരള‌ ബ്ലാസ്റ്റേഴ്സിനായി മികച്ച പ്രകടനം കാഴ്ച വെച്ച ബോസ്നിയൻ പ്രതിരോധ താരം എനസ് സിപോവിച്ച് ക്ലബ്ബ് വിട്ടതായി ഔദ്യോഗികമായി പ്രഖ്യാപിച്ച് കേരളാ ബ്ലാസ്റ്റേഴ്‌സ്.

Thank you Enes Sipović for all the beautiful memories you've given us on and off the field over the past year 💛

Wishing you all the best for what lies ahead 🤝#YennumYellow #KBFC #കേരളബ്ലാസ്റ്റേഴ്സ് pic.twitter.com/jFsNxB5ALi

— Kerala Blasters FC (@KeralaBlasters) June 24, 2022

2020-21 സീസണിൽ ചെന്നൈയിൻ എഫ് സിതാരമായിരുന്ന സിപോവിച്ച്, കഴിഞ്ഞ സീസണ് മുന്നോടിയായിട്ടായിരുന്നു ഒരു വർഷ കരാറിൽ ബ്ലാസ്റ്റേഴ്സിലെത്തിയത്. കേരള ബ്ലാസ്റ്റേഴ്സ് ഫൈനലിലെത്തിയ സീസണിൽ മികച്ച പ്രകടനമാണ്  മുപ്പത്തിയൊന്നുകാരനായ ഈ സെന്റർബാക്ക് കാഴ്ചവച്ചത്. 2021-22 സീസൺ ഐഎസ്എല്ലിൽ കേരള ബ്ലാസ്റ്റേഴ്സിനായി 14 മത്സരങ്ങളിലാണ് സിപോവിച്ച് കളത്തിലിറങ്ങിയത്. എട്ടാം സീസണിൽ ബ്ലാസ്റ്റേഴ്സിനായി 675 മിനുറ്റുകൾ കളിച്ച സിപോ ഈസ്റ്റ് ബെംഗാളിനെതിരെ നേടിയ ഹെഡർ ഗോൾ പ്രശംസ നേടിയിരുന്നു.

ബോസ്നിയ ഹെർസഗോവിനയുടെ അണ്ടർ 21 ടീമിനായി കളിച്ചിട്ടുള്ള സിപോ റൊമാനിയ, ബെൽജിയം, മൊറോക്കോ, സൗദി അറേബ്യ, ഖത്തർ എന്നിവിടങ്ങളിലെ ക്ലബ്ബുകൾക്കായും കളിച്ചിട്ടുണ്ട്.

ഒൻപതാം സീസണ് മുന്നോടിയായി ടീമിൽ വലിയ അഴിച്ചു പണികൾ നടത്തിക്കൊണ്ടിരിക്കുകയാണ് കേരള ബ്ലാസ്റ്റേഴ്സ്. സിപോയ്ക്കും അൽവാരോയ്ക്കും പുറമേ കഴിഞ്ഞ സീസണിൽ ടീമിന്റെ ഭാഗമായിരുന്ന വിൻസി ബാരറ്റോ, ചെഞ്ചോ ഗിൽഷൻ, ആൽബിനോ ഗോമസ്, സെയ്ത്യാസെൻ സിംഗ് എന്നിവരും കേരളാ ബ്ലാസ്റ്റേഴ്സ് വിട്ടു കഴിഞ്ഞു. എന്നാൽ ബിജോയ് വർഗീസ്, ജീക്സൺ സിംഗ്, മാർകോ ലെസ്കോവിച്ച്, പ്രഭ്സുഖൻ ഗിൽ, കരൺജിത് സിംഗ്, സന്ദീപ് സിംഗ് എന്നിവരുമായുള്ള കരാർ ദീർഘിപ്പിച്ച കേരളാ ബ്ലാസ്റ്റേഴ്‌സ് മുംബൈ താരം ബ്രൈസ് മിറാൻഡയെ ടീമിലേക്ക് കരാറിലെത്തിച്ചിരുന്നു.